بقلم الكاتب محمد موسى رائعة موشيه: حلم يوم العبور

بقلم/ محمد احمد موسى

رائعة موشيه: حلم يوم العبور

في ذات يوم من الايام سمعت صراخا شديدا يأتي من منزل جارنا
العريس الجديد , كانت الالام الوضع المزعجة لزوجته تنبئ عن
مجيء طفل غير عادي لانه اتولد في يوم غير عادي يوم.........
يوم العبور سنة .....
الراجل الكبير يظهر جاله زهايمر قلت له كمل يا حاج مش مهم السنة
الايام و السنين بتمر علينا زي السحابة دي شايفها ومش هتاخد
بالك بعد شوية راحت فين.
الناس كلها الاهالي والجيران كانت مندهشة من جمال المولود الجديد
مندهشة من ملامحه الحادة , جده قال:دي ملامح قادة , الاذكياء
والعباقرة دايما ملامحهم حادة , حفيدي ده هيكون له شأن كبير.
وفعلا الجد كان اكتر الناس اهتماما بحفيده اللي أول ما أتم عامه
الثاني بعته عند ناس في واحة سيوة عشان يتعلم اللهجة العربية
الصحيحة من أهلها و يزداد نبوغه ونجابته .
أهل الواحة علموه ركوب الفرس أول ما تم أربع سنوات و كانت فرسة
لسة مولودة جديد والفرسة كبرت معاه و لما تم سبع سنين كانت
الفرسة أسرع فرسة في الواحة كلها ولكن ... كانت الصدمة
جده مات, الله يرحمه
وكان جده بنفوذه في العائلة محدش قدر يعارضه لما بعت صلاح
للبادية وكان أبو صلاح وولدته معارضين الموضوع فلما مات جد صلاح
بعتوا له :أن احضر حالا.
ورجع صلاح المدينة بعد خمس سنين غربة في البادية , ملامحه أصبحت
أكثر حدة , ظهرت عليه علامات الرجولة المبكرة .
أبو صلاح ملقاش بد من تنفيذ وصية والده و هي انه يحضر له مدرسين
خصوصيين و ده كان أشبه بالمهمة المستحيلة .
أبو صلاح جمع كل أفراد العائلة عشا ن يفكروا ازاي ينفذوا الوصية
و تلا عليهم نص الوصية:
أوصي أنا الحاج عماد الدين ب 50 % من ثروتي الي حفيدي صلاح
تصرف بطريقة سيأتي بيانها واما ال 50% الباقية فتوزع على أفراد
العائلة بأنصبتهم الشرعية بشرط مايلي:
أن يساهم بقية الورثة في تعليم صلاح بالطريقة التالية :
أولا أن يعلمه الدكتور زويل مادة الكيمياء مع توفير كافة الاعتمادات المالية
لدكتور زويل ليجعل من صلاح عالما في الكيمياء.
ثانيا أن يعلمه الدكتور يعقوب تخصص جراحة القلب .
ثالثا أن يعلمه الدكتور فاروق الباز علوم الفضاء و صنع المركبات الفضائية
رابعا أن يعلمه الدكتور البرادعي علوم الطاقة الذرية.
خامسا.................................
وسادسا........
وسابعا ... و
وكلها أسامي كبيرة ....
صاح أحد الورثة قائلا : ايه الذل ده ,دا اللي بيطلبه مستحيل , مش مهم
مش عايزين فلوسه دي ...........
قاطعه أبو صلاح :انت عارف هو سايب ثروة قد ايه , دول 80 مليار دولار
يعني ميزانية دولة بحالها .
المشكلة مش ان العلماء دول يقبلوا يعلموا صلاح , لا لا الناس دي مستعدة تعمل كل خير لبلدها , لكن المشكلة إن صلاح سنه 7 سنين بس ,
يعني
صعب إن العلماء دول يضحوا بوقتهم و علمهم عشان يعلمو ا طفل صغير
يعني تعبهم هيروح هدر .

علت الصدمة و الذهول وجوه الجميع غير مصدقين لتلك الوصية الغريبة مستحيلة التحقيق وضاعت أمال الثروة الكبيرة من أمام أعينهم وتبخرت أحلامهم سدى
أدراج الرياح.


"أنا عندي فكرة مدهشة " جاءت الكلمات من أحدهم كالمفاجأة الصاروخية
التي أصمت آذان الجميع لها و عقدت الألسن من شدة لهيبها..........


تم الجزء الأول بحمد الله من رائعة موشيه
حلم يوم العبور .... تابعوا بقية الأجزاء في حلقات
قادمة تحياتي